Bunagan fambam, magbibigay good vibes sa 'Bubble Gang!'

By Aedrianne Acar

Published On: October 28, 2020, 07:01 PM

Walang preno ang tawanan under the new normal!

Exciting ang hinandang episode ng award-winning gag show na Bubble Gang this week, lalo na at makikigulo sa barkada ang Bunagan fambam!

Sa episode plug ng comedy show sa Biyernes ng gabi, special guest ang asawa ng seasoned comedian na si Michael V. si Carol Bunagan at kanilang talented daughter na si Brianna Bunagan.

Matatandaan na nagkaroon ng cameo appearance si Carol sa sitcom na Pepito Manaloto noong September 12.

Bukod sa pagiging maybahay, tumatayo rin siyang manager ni Direk Bitoy at executive producer ng production company nila na Mic Test Entertainment.

Samantala, ginamit naman ang kanta ni Brianna Bunagan na “Ayoko Na” sa Pepito Manaloto at sa family drama movie na Family History bilang isa sa mga official soundtrack nito.

Don't switch that channel mga Kababol! Tumutok sa unli-tawanan hatid ng Bubble Gang this coming October 30 pagkatapos ng GMA Telebabad.

Kapag hindi naglo-load nang maayos ang video sa ibabaw, maaari itong mapanood DITO.